Дали се исполнуваат ветувањата во вашата општина?
Следењето на изборните ветувања и мерките на локалните власти им овозможува на граѓаните да проверат што е реализирано, што сè уште се спроведува и каде нема напредок. На овој начин се поттикнуваат поголема транспарентност и отчетност на општините, а граѓаните добиваат проверени информации што можат да ги користат за да побараат исполнување на ветеното и да се застапуваат за потребите на својата заедница.
Мониторингот се спроведува од 2020 година. Во петтиот циклус, кој го опфаќа периодот 2026–2027, осум граѓански организации следат 27 мерки во 16 општини: Битола, Чаир, Центар, Делчево, Гостивар, Кичево, Кисела Вода, Кочани, Кривогаштани, Прилеп, Шуто Оризари, Струга, Студеничани, Теарце, Тетово и Вевчани.
Овој циклус на мониторинг се спроведува од април 2026 до јуни 2027 година, а податоците се собираат и објавуваат квартално. За секоја избрана мерка, граѓанските организации го следат напредокот според однапред утврдени критериуми и редовно ја оценуваат фазата на нејзината реализација.
За полесно разбирање на резултатите се користи систем на семафор, при што зелената боја означува дека мерката е во завршна фаза, жолтата дека се спроведуваат конкретни активности, а црвената дека реализацијата на мерката е во застој.
Собраните податоци се прикажани во онлајн Матрицата за мониторинг. Таа овозможува пребарување и преглед на мерките според општина, тематска област, одговорна граѓанска организација и статус на реализација.
Изберете ја вашата општина и проверете кои мерки се следат, каков напредок е постигнат и за кои ветувања се бара отчетност од локалните власти.
27Вкупно мерки
0 Во завршна фаза
11 Се спроведуваат активности
14 Стагнација
Мерката е во фаза на завршување (0)Се спроведуваат конкретни теренски активности (11)Мерката е во стагнација (14)
Се спроведуваат активности