Матрица за мониторинг
| Бр. | Критериум за мониторинг | Статус | Краток опис и забелешки | Извор на информации |
|---|---|---|---|---|
| I. Спроведување на мерката која се мониторира | ||||
| 1.1 | Алоцирани буџетски средства во буџетот на општината за 2026 година за реализација на мерката | Да | Во Програмата за заштита на животната средина за 2026 година се предвидени 6.500.000 денари за субвенционирање на инвертер клима-уреди. Сепак, во буџетскиот план се евидентирани само 1.500.000 денари во општата ставка за заштита на животната средина. Не е јасно во која буџетска ставка се обезбедени средствата за оваа мерка. Не е евидентиран ребаланс на буџетот. | Програма за активности од областа на заштитата на животната средина и природата во Општина Тетово за 2026 година, во која е предвидена мерката за субвенционирање на инвертер клима-уреди; Буџет на Општина Тетово за 2026 година, усвоен од Советот на Општина Тетово на седницата одржана на 30.12.2025 година, Програма Р10; Состанок со претставници на Секторот за јавни дејности и заштита на животната средина, одржан на 20.05.2026 година; Е-пошта од мониторинг-лицето Нарта Каса, испратена на 01.06.2026 година, со барање за појаснување на разликата помеѓу износот предвиден во Програмата и износот предвиден во Буџетот |
| 1.2 | Планирани и/или реализирани јавни набавки во врска со мерката | Не | До крајот на извештајниот период не се идентификувани планирани или реализирани јавни набавки за оваа мерка. На состанокот со Општината беше нагласено дека не се спроведуваат јавни набавки поврзани со субвенционирањето на инвертер клима-уреди. Останува да се појасни административната и финансиската постапка за реализација на исплатите кон корисниците. | Состанок со претставници на Секторот за јавни дејности и заштита на животната средина на Општина Тетово, одржан на 20.05.2026 година
|
| 1.3 | Обезбедени се неопходните предуслови за реализација на активности поврзани со мерката (пример дозволи, подготвителни активности, кадар и сл.) | Не | Програмата предвидува јавен повик, аплицирање од страна на граѓаните, проверка од комисија, теренска контрола и исплата на субвенциите. До крајот на извештајниот период не е објавен јавен повик, критериуми, рокови, образец за аплицирање ниту постапка за проверка и теренска контрола. Исто така, останува нејасно практичното обезбедување на финансиските средства за спроведување на оваа мерка. | Веб-страница и профили на социјалните мрежи на Општина Тетово
|
| 1.4 | Се спроведуваат конкретни активности во врска со мерката | Не | До крајот на периодот април–јуни 2026 година не се идентификувани конкретни активности за спроведување на мерката. Не е објавен јавен повик, не е спроведена постапка за аплицирање, избор на корисници, теренски контроли, ниту исплата на субвенции. Мерката останува предвидена во Програмата, но нејзината практична имплементација сè уште не е започната | Веб-страница и профили на социјалните мрежи на Општина Тетово
Веб-страница на Општина Тетово Фејсбук-страница на Општина Тетово Состанок со претставници на Секторот за јавни дејности и заштита на животната средина на Општина Тетово, одржан на 20.05.2026 година
|
| II. Транспарентност и отчетност на општината/институцијата | ||||
| 2.1 | Општината т.е одговорната институција редовно споделува информации за мерката на веб страницата и социјални медиуми | Не | До крајот на извештајниот период не се идентификувани публикации посветени конкретно на субвенционирањето на клима инвертери. Не се објавени информации за средствата, критериумите, потребната документација, роковите или начинот на аплицирање. Соодветната Програма е обезбедена преку други извори и не е идентификувана како лесно достапна информација за граѓаните | Веб-страница и профили на социјалните мрежи на Општина Тетово
Веб-страница на Општина Тетово Фејсбук-страница на Општина Тетово Состанок со претставници на Секторот за јавни дејности и заштита на животната средина на Општина Тетово, одржан на 20.05.2026 година
|
| 2.2 | Општината т.е надлежната институција одговара на Барање за информации од јавен карактер испратени за конкретната мерка | Не | Во текот на извештајниот период не е поднесено формално барање за слободен пристап до информации од јавен карактер во врска со оваа мерка. | Информација од проектниот тим – испратена е-пошта на 1 јуни, со предмет: „Барање за информации од страна на тимот за мониторинг – Нарта Каса“. |
| 2.3 | Општината т.е одговорната институција споделува информации за мерката по барање на засегнати страни преку состаноци, интервјуа, средби и сл. | Да | Делумно. Општината организираше информативен состанок со проектниот тим на 20.05.2026 година и потврди дека мерката е вклучена во Програмата за 2026 година. | Е-пошта испратена на 1 јуни, со предмет: „Барање за информации од страна на тимот за мониторинг – Нарте Каса |
| III. Учество на граѓаните во донесувањето одлуки | ||||
| 3.1 | Граѓаните се вклучени во одлуки поврзани со реализација на мерката | Не | Не, нема информации. Единствено во декември 2025 година, Општина Тетово објави повик за јавна расправа во врска со Буџетот за 2026 година. Ова создаде општа можност граѓаните да достават свои предлози. Сепак, нема податоци дали субвенционирањето на клима инвертерите било посебно разгледувано или дали предлозите на граѓаните биле земени предвид при креирањето на оваа мерка | Информација од проектниот тим. Веб-страницата и социјалните мрежи на општината. |
| 3.2 | Граѓаните иницирале учество во одлуките поврзани со мерката која се мониторира | Не | Нема податоци. До крајот на извештајниот период не се идентификувани барања, петиции, иницијативи или документирани предлози од граѓаните конкретно поврзани со субвенционирањето на клима инвертерите. Овој индикатор ќе се следи во наредниот период, особено по евентуалното објавување на јавен повик. | Веб-страница и профили на социјалните мрежи на Општина Тетово
|
| Граѓаните биле вклучени во процесот на спроведување на конкретната мерка преку: | ||||
| 3.3.1 | Јавни собири, дебати и форуми | Не | До крајот на периодот април–јуни 2026 година не се идентификувани дебати, форуми или јавни средби организирани конкретно со цел информирање и вклучување на граѓаните во реализацијата на мерката за клима инвертери. | Информација од проектниот тим за средба со општината. Веб-страницата и социјалните мрежи на општината |
| 3.3.2 | Можност за електронско учество преку мобилни апликации, веб страна, електронски обрасци и сл. | Не | До крајот на извештајниот период не се идентификувани онлајн формулари, платформи за аплицирање, електронски консултации или други дигитални алатки за вклучување на граѓаните во реализацијата на мерката. Не е објавен јавен повик, поради што нема информации ниту за електронско аплицирање. | Веб-страницата и социјалните мрежи на општината |
| 3.3.3 | Отворени денови на општината | Не | Не. Општината објави известување за средба на градоначалникот со граѓаните на 26.06.2026 година. Сепак, нема потврдени податоци дали средбата е реализирана и дали мерката за субвенционирање на клима инвертери била дел од дискусијата. Поради тоа, не може да се потврди дека е одржан ден на отворени врати поврзан со мерката. | Веб-страницата и социјалните мрежи на општината |