Gjatë javës së kaluar, me sukses mbajtëm një seri punëtorish që janë pjesë e mbështetjes sonë për forcimin e potencialeve hulumtuese–analitike të partive politike dhe koalicioneve, me qëllim përmirësimin e kapaciteteve të tyre për krijimin e politikave të bazuara në fakte. Duke investuar në këto kapacitete, partitë politike dhe koalicionet inkurajohen të promovojnë politika dhe struktura më të hapura, më të përgjegjshme dhe të orientuara drejt qytetarëve në nivel lokal.
Përmes sesioneve interaktive, ushtrimeve praktike dhe simulimeve, të udhëhequra nga ekspertë ndërkombëtarë dhe vendorë, pjesëmarrësit i avancuan aftësitë e tyre për krijimin e politikave të bazuara në fakte, mobilizimin në terren dhe komunikimin strategjik.
Këto punëtori u realizuan në kuadër të Programit Zviceran për mbështetjen e zgjedhjeve, të implementuar nga Fondacioni Ndërkombëtar për Sisteme Zgjedhore (IFES), dhe janë të orientuara drejt forcimit të kapaciteteve të partive politike dhe koalicioneve në prag të zgjedhjeve lokale.
