Me realizimin e modulit të dytë me titull “Pjesëmarrja rinore – përfaqësimi, përfshirja dhe kultura demokratike”, Akademia për politika publike thelloi përkushtimin e saj për forcimin e kapaciteteve të përfaqësuesve të rinj nga partitë politike. Pjesëmarrësit patën mundësinë të mësojnë nga politikanë me përvojë, ekspertë dhe praktikantë nga vendi dhe rajoni, si dhe të diskutojnë tema që lidhen me pjesëmarrjen e të rinjve në politikë, rrugët formale dhe joformale të ndikimit politik, si dhe barrierat që e kufizojnë pjesëmarrjen thelbësore të të rinjve.
Moduli hapi çështje të rëndësishme për përfaqësimin e vërtetë të të rinjve dhe politikat rinore, sfidat brenda strukturave tradicionale politike, si dhe mundësitë për krijimin e praktikave të reja, gjithëpërfshirëse dhe të përgjegjshme politike.
Motivimi, mendimi kritik dhe angazhimi i pjesëmarrësve edhe këtë herë treguan se të rinjtë duhet të luajnë një rol kyç në formësimin e së ardhmes së demokracisë.
