Në kuadër të serisë së aktiviteteve edukative për nxënësit e shkollave të mesme, Komisioni Shtetëror i Zgjedhjeve mbajti një punëtori me nxënësit e SHMKGJ “Koço Racin” në Veles, me mbështetjen e Programit për Mbështetje Zgjedhore.
Aktiviteti iu kushtua procesit zgjedhor dhe rolit të të rinjve në demokraci. Përmes një “gare dinamike të dijes”, nxënësit patën mundësi të testojnë dhe zgjerojnë njohuritë e tyre për të drejtën e votës, si dhe të ndajnë qëndrimet dhe interesin e tyre për pjesëmarrje në zgjedhje.
Gjatë punëtorisë u diskutua për rëndësinë e çdo vote, përgjegjësinë që sjell votimi dhe mënyrat e ndryshme përmes të cilave të rinjtë mund të përfshihen në mënyrë aktive në procesin zgjedhor.
Në realizimin e aktivitetit morën pjesë përfaqësues të Sektorit për trajnime të vazhdueshme, Sektorit për çështje juridike dhe Sektorit për listën zgjedhore pranë Komisionit Shtetëror të Zgjedhjeve. Aktiviteti kontribuoi në afrimin e procesit zgjedhor me të rinjtë dhe në nxitjen e pjesëmarrjes së tyre të informuar dhe aktive në proceset demokratike.
