Menaxhim human i qenve endacakë në komunën e Kërçovës

---

Në Buxhetin e Komunës së Kërçovës për vitin 2026, në nënprogramin JL0 – Shërbime të tjera komunale (shpenzime kapitale), janë paraparë 5.050.000 denarë, ndërsa në Buxhetin për Qytetarët, si aktivitet i planifikuar, është përfshirë edhe ndërtimi i një strehimoreje për qentë endacakë. Sipas Raportit për realizimin e Buxhetit për periudhën janar–qershor 2026 dhe rishikimit të Buxhetit për vitin 2026, shuma në nënprogramin JL0 mbetet e pandryshuar – 5.050.000 denarë, përkatësisht nuk evidentohet ndonjë ulje apo rialokim i mjeteve.

Buxheti i Komunës së Kërçovës për v. 2026

Buxheti civil për v. 2026

Ndryshime dhe plotësime të buxhetit të Komunës së Kërçovës për v. 2026 (rebalanci)

Raport për ekzekutimin e buxhetit të komunës së Kërçovës për periudhën janar-qershor 2026.

Gjatë periudhës korrik–shtator është publikuar shpallja nr. 14879/2026 për hartimin e planeve urbanistike me revizion, pa u përmendur konkretisht strehimorja për qentë endacakë. Procedura nr. 11097/2026 për kapjen dhe trajtimin profesional të qenve është anuluar, për shkak se dokumentacioni i tenderit përmbante gabime ose mangësi thelbësore. Procedura e përsëritur nr. 13937/2026, me vlerë prej 1.200.000 denarësh pa TVSH, ka përfunduar me lidhjen e një marrëveshjeje kornizë me ofertuesin e përzgjedhur më 14.09.2026. Si ofertuesi më i favorshëm është përzgjedhur Shoqëria për veprimtari veterinare, tregti dhe shërbime ZEBRA VETERINA, import-eksport SHPK Demir Hisar.

Plani vjetor i furnizimeve publike i Komunës së Kërçovës për v. 2026

SEFP – konkurs nr.. 14879/2026 dhe dokumentacion tenderi

SEPF – konkurs nr.. 13937/2026

Anulimi i procedurës nr.. 11097/2026

MARRËVESHJE KORNIZË
për kapjen dhe trajtimin profesional të
qenve endacakë dhe të paregjistruar
në territorin e Komunës së Kërçovës

Në tremujorin e parë, si parakushte kryesore për zbatimin e masës u identifikuan sigurimi i mjeteve buxhetore, përzgjedhja e lokacionit, hartimi i dokumentacionit të projektit dhe sigurimi i pëlqimeve, miratimeve dhe lejeve të nevojshme. Sipas informacioneve nga Komuna, detyra projektuese ka përfunduar, ndërsa dokumentacioni i projektit është në fazën përfundimtare. Në këtë fazë nuk ka informacione konkrete lidhur me llojin e pëlqimeve, miratimeve dhe lejeve të nevojshme. Kjo çështje do të jetë objekt i monitorimit shtesë në tremujorin e ardhshëm, me qëllim që të përcaktohet se cilat procedura administrative kanë mbetur për t’u përfunduar dhe nëse ato ndikojnë në dinamikën e zbatimit të masës.

Buxheti i Komunës së Kërçovës për v. 2026.

Buxheti civil për v. 2026.

Rebanaci i buxhetit për v.2026

Raport për ekzekutimin e buxhetit të komunës së Kërçovës për periudhën janar-qershor 2026)

Informacion gojor nga përfaqësuesit e Komunës së Kërçovës / Raporti nga tryeza e rrumbullakët, e mbajtur më 29.09.2026.

Gjatë periudhës në shqyrtim vazhdojnë aktivitetet përgatitore për zbatimin e masës. Sipas informacioneve nga Komuna, detyra projektuese ka përfunduar, ndërsa dokumentacioni i projektit është në fazën përfundimtare. Ende nuk janë evidentuar aktivitete në terren apo punime ndërtimore në lokacionin e përzgjedhur, përkatësisht ndërtimi faktik i strehimores nuk ka filluar. Sipas raportit buxhetor, deri më 30.06.2026 nuk është realizuar asnjë shpenzim nga mjetet e parapara në nënprogramin JL – „Shërbime të tjera komunale“, në shumën prej 5.050.000 denarësh, të planifikuara në kuadër të zërit 482 – „Objekte të tjera ndërtimore“. Kjo do të thotë se deri në fund të tremujorit të dytë nuk janë evidentuar shpenzime nga mjetet e parapara për këtë investim kapital.

Informacion gojor nga përfaqësuesit e Komunës së Kërçovës / Raporti nga tryeza e rrumbullakët e mbajtur më 29.09.2026.

Analiza e ueb faqes së komunës së Kërçovës

Gjatë periudhës në shqyrtim nuk janë evidentuar publikime në faqen zyrtare të internetit apo në rrjetet sociale të Komunës së Kërçovës lidhur me përparimin në zbatimin e masës, përkatësisht me dokumentacionin e projektit dhe ndërtimin e planifikuar të strehimores. Informacionet për fazën aktuale janë siguruar përmes komunikimit të drejtpërdrejtë me përfaqësuesit e Komunës, por nuk janë identifikuar si informacione të publikuara për opinionin në kanalet zyrtare të komunikimit.

Analizë e ueb faqes zyrtare dhe e rrjeteve sociale të Komunës së Kërçovës.

Komuna e Kërçovës trajton rregullisht kërkesat për qasje në informata me karakter publik, por për masën konkrete që është objekt i monitorimit, gjatë tremujorit aktual nuk kemi informacione, pasi ekipi i projektit nuk ka paraqitur kërkesë të re pranë Komunës. Një kërkesë që lidhet me masën e monitoruar i është dorëzuar Ndërmarrjes Publike Komunale „Higjiena Komunale“, por deri në përfundimin e periudhës së monitorimit nuk është marrë përgjigje.

Ekipi i projektit

Gjatë tremujorit aktual, përfaqësuesit e Komunës së Kërçovës kanë ndarë informacione për masën përmes një takimi të drejtpërdrejtë me ekipin e monitorimit, pjesëmarrjes në tryezë të rrumbullakët dhe një interviste të incizuar për nevojat e projektit, e cila është publikuar në rrjetet sociale. Në kuadër të këtyre aktiviteteve janë ndarë informacione lidhur me fazën aktuale të zbatimit të masës dhe hapat e mëtejshëm për ndërtimin e strehimores për qentë endacakë.

Procesverbal/shënime nga takimi me Komunën e Kërçovës; agjenda dhe materiale nga tryeza e rrumbullakët; intervistë e incizuar me përfaqësues të Komunës së Kërçovës dhe publikim në rrjetet sociale.

Gjatë tremujorit aktual janë organizuar forume komunitare me pjesëmarrjen e qytetarëve. Sipas informacionit të marrë nga moderatori, problemi i qenve endacakë është evidentuar si një nga problemet më shqetësuese në komunë, por nuk është përzgjedhur si projekt-propozim prioritar.
Rrjedhimisht, qytetarët kanë marrë pjesë në një proces më të gjerë konsultativ, por jo në marrjen e vendimeve konkrete për zbatimin e masës që është objekt i monitorimit

Publikime zyrtare të Komunës së Kërçovës për sesionet e forumit; bisedë e drejtpërdrejtë me moderatorin e procesit të forumit.

Gjatë tremujorit aktual, nga burimet në dispozicion nuk janë evidentuar iniciativa konkrete qytetare, peticione apo kërkesa për konsultime lidhur me zbatimin e masës. Në forumet komunitare, problemi i qenve endacakë është theksuar si një problem urgjent lokal, por nuk është përzgjedhur si projekt-propozim prioritar.
Informacione shtesë lidhur me iniciativa të mundshme të paraqitura drejtpërdrejt pranë Komunës nuk janë kërkuar gjatë tremujorit aktual.

Analizë e informacioneve në dispozicion publik ueb faqe e Komunës së Kërçovës

Gjatë tremujorit aktual, në kuadër të projektit, u organizua tryeza e rrumbullakët me temë „Masat lokale për trajtimin human të kafshëve endacake në Kërçovë: sfidat dhe hapat e ardhshëm“, me pjesëmarrjen e përfaqësuesve të Komunës së Kërçovës dhe palëve të tjera relevante të interesit.
Gjatë aktivitetit u prezantuan gjetjet e monitorimit dhe u diskutua për aktivitetet e deritanishme për zbatimin e masës, gjendjen e dokumentacionit të projektit, sfidat dhe hapat e ardhshëm për ndërtimin e strehimores.
Përfaqësuesit e Komunës ndanë informacione për fazën aktuale të zbatimit, ndërsa pjesëmarrësit patën mundësinë të diskutojnë dhe të paraqesin pikëpamjet e tyre lidhur me zbatimin e mëtejshëm të masës.

Agjenda e tryezës së rrumbullakët; lista e pjesëmarrësve; procesverbali/shënimet nga tryeza e rrumbullakët e mbajtur, fotografi dhe publikime nga ngjarja në rrjetet sociale;

Komuna e Kërçovës ofron shërbime të përgjithshme elektronike dhe mundësi për shkarkimin e formularëve përmes faqes së saj zyrtare të internetit, përfshirë edhe një formular që lidhet me kompensimin e dëmeve të shkaktuara nga kafshimi i qenve endacakë. Gjithashtu, është e disponueshme edhe mundësia elektronike „Shkruajini Kryetarit të Komunës“.
Megjithatë, nuk është evidentuar ndonjë mjet i veçantë elektronik përmes të cilit qytetarët mund të marrin pjesë në planifikimin ose zbatimin e ndërtimit të strehimores për qentë endacakë.

Analiza e ueb-faqes së Komunës së Kërçovës – shërbime elektronike dhe formularë të qasshëm.

Gjatë tremujorit aktual nuk janë evidentuar ditë të hapura të organizuara nga Komuna e Kërçovës, të dedikuara posaçërisht për masën që është objekt i monitorimit, dhe as ditë të hapura me tema të përgjithshme, në kuadër të të cilave është shqyrtuar ndërtimi i strehimores për qentë endacakë.
Gjatë kësaj periudhe janë realizuar forma të tjera komunikimi dhe dialogu publik lidhur me masën, por ato nuk përbëjnë ditë të hapura në kuptim të këtij treguesi.

Аnaliza e ueb faqes zyrtare dhe mediat sociale të komunës së Kërçovës; Informacion gojor nga përfaqësuesit e Komunës së Kërçovës / Raporti nga tryeza e rrumbullakët e mbajtur më 29.09.2026