Matrica e monitorimit
| Nr. | Kriteri i monitorimit | Statusi | Përshkrim & vërejtje | Burimi |
|---|---|---|---|---|
| I. Zbatimi i masës që monitorohet | ||||
| 1.1 | Mjete buxhetore të alokuara në buxhetin e komunës për vitin 2026 për realizimin e masës | Po | Janë ndarë mjete konkrete në vlerën prej 60.000.000 denarësh. Këshilli i Komunës së Prilepit, në mbledhjen e 6-të të mbajtur më 30.12.2025, miratoi zyrtarisht Buxhetin për vitin 2026, i cili arrin në shumën prej 2.472.428.114 denarësh. Mjetet janë alokuar qartë, në përputhje me emërtimin dhe përshkrimin e masës. | Fletore zyrtare nr. 21 nga 30.12.2025 https://www.prilep.gov.mk/sluzhben-glasnik-br-21-od-30-12-2025/ ; Programet e punës së NPK „Komunalec” për vitin 2026 https://komunalecprilep.com.mk/programi-za-rabota/ |
| 1.2 | Prokurime publike të planifikuara dhe/ose të realizuara në lidhje me masën | Po | Në planin e prokurimeve publike të NPK Komunalec janë paraparë 3 prokurime që janë pjesë e lëndës së monitorimit. Prokurimet janë për: Blerje sukcesive të koshave plastikë për mbeturina për amvisëri, Blerje sukcesive të kontejnerëve gjysmë nëntokësorë dhe Blerje sukcesive të kontejnerëve metalikë prej 1,1 dhe 5 m³. Në periudhën raportuese ka pasur publikim të shpalljeve publike nga Komuna e Prilepit për Vendosjen e pajisjeve urbane – kontejnerë gjysmë nëntokësorë. Vlera e parashikuar pa TVSH: 15.269.832,20 MKD. Prokurimi publik është publikuar. | Plani i prokurimeve publike i NPK Komunalec dhe i Komunës së Prilepit |
| 1.3 | Janë siguruar parakushtet e nevojshme për realizimin e aktiviteteve që lidhen me masën (p.sh. leje, aktivitete përgatitore, kuadro etj.) | Po | Në përgatitje është dokumentacioni teknik dhe mikrolokalizimi i vendeve ku do të vendosen kontejnerët gjysmë nëntokësorë në zonat urbane, si dhe përgatitja e një analize/studimi gjeohapësinor për mbulimin ekzistues dhe hartëzimin e itinerareve të reja të optimizuara në zonat urbane dhe rurale | Programi i investimeve për vitin 2026 i NPK Komunalec – Prilep https://komunalecprilep.com.mk/wp-content/uploads/2026/02/programa-investicii-2026.pdf |
| 1.4 | Po zbatohen aktivitete konkrete në lidhje me masën | Po | Po zbatohen aktivitete konkrete në terren në lidhje me masën për përmirësimin e sistemit të grumbullimit të mbeturinave komunale – skanimi i gjendjes në zonat rurale: Ekipet profesionale të NPK-së „Komunalec” kanë dalë në terren për të vlerësuar dhe përcaktuar mungesën e koshave për mbeturina dhe për të planifikuar zgjerimin e mbulimit në vendbanime; Zgjerimi i rrjetit për selektimin e mbeturinave: Janë krijuar 54 lokacione të reja dhe pika shtesë për selektimin e mbeturinave (si ambalazhi i qelqit dhe mbeturinat e thata), me qëllim përmirësimin e efikasitetit dhe lehtësimin e qasjes për qytetarët; Aktivitetet në terren dhe fushatat: Zbatimi i fushatës „Pastërtia është e bukur” për përmirësimin e orarit dhe rregullsisë së grumbullimit të mbeturinave nëpër zonat urbane të qytetit dhe zonat rurale. | |
| II. Transparenca dhe llogaridhënia e komunës/institucionit | ||||
| 2.1 | Komuna, përkatësisht institucioni përgjegjës, rregullisht ndan informacione për masën në ueb-faqe dhe rrjete sociale | Po | Të dy institucionet kanë ueb -faqe zyrtare aktive. NPK „Komunalec” – Prilep mban një faqe aktive në Facebook, ku e informon rregullisht dhe në vazhdimësi publikun për aktivitetet e saj. Publikimet e NPK-së „Komunalec” në rrjetet sociale (Facebook) bëhen në baza ditore. Në ueb-faqen zyrtare të Komunës së Prilepit, publikimet janë më të rralla. Publikimet gjatë këtij tremujori janë të përqendruara në fushatën e re – „60 ditë – Pastërtia është e bukur”. | |
| 2.2 | Komuna, përkatësisht institucioni kompetent, u përgjigjet kërkesave për informacione me karakter publik të dërguara për masën konkrete | Jo | Gjatë këtij tremujori nuk është dërguar Kërkesë për qasje në informata me karakter publik lidhur me masën konkrete. Gjithashtu, deri në momentin e marrjes së informacionit, në komunë nuk ka pranuar asnjë kërkesë nga persona të tjerë lidhur me këtë masë. | Bisedë me personin përgjegjës për këtë fushë, më datë 15.09.2026. |
| 2.3 | Komuna, përkatësisht institucioni përgjegjës, ndan informacione për masën me kërkesë të palëve të interesuara përmes takimeve, intervistave etj. | Po | Deklaratë zyrtare e kryetarit të Komunës së Prilepit më 4 shtator, ku Prilepi dhe NPK „Komunalec” ishin nikoqirë të komunave Gazi Babë, Gjorçe Petrov, Ilinden dhe Strumicë, të cilat shkëmbyen praktika të mira për menaxhimin e mbeturinave në nivel lokal dhe vendosjen e sistemit të selektimit primar dhe sekondar të mbeturinave; Njoftim zyrtar i kryetarit të Komunës së Prilepit lidhur me hulumtimin më të fundit të Pakomakut, ku thuhet se 49% e qytetarëve të Prilepit i selektojnë mbeturinat për riciklim, më 3 shtator 2026 | https://www.facebook.com/komunalecprilep/posts/pfbid02G1V3SUyX6bckLa674QZ7LfZH3GmbkVXZiwgbYRNFk4g7W9XQQugNAtewbmPkugR9l?rdid=OaCgXMo6hZhputv0# https://www.facebook.com/ProdanoskiDejan/posts/pfbid02mSf21MMPXmYjMz55LxADwtGPeYxZTEF3ENhcnEi79HupUkJ7GDWsQArbMPtSRqGQl?rdid=PUluaJZt9tUck9vG# |
| III. Pjesëmarrja e qytetarëve në vendimmarrje | ||||
| 3.1 | Qytetarët janë të përfshirë në vendimet që lidhen me realizimin e masës | Jo | Gjatë këtij tremujori nuk ka pasur konsultime formale dhe takime me qytetarët. Në takimin me udhëheqësen e NPK-së „Komunalec” – Prilep, si arsye të mundshme pse qytetarët ende nuk janë përfshirë, u theksua se procesi është ende në fazën përgatitore dhe se për momentin nuk ka nevojë për konsultime. Gjithashtu, u theksua se, në kuadër të masës për grumbullimin e mbeturinave komunale, NPK „Komunalec” ndjek edhe njoftimet dhe publikimet e qytetarëve në rrjetet sociale dhe vepron në përputhje me informacionet e paraqitura, edhe pse ato nuk janë pjesë e planit të rregullt për grumbullimin e mbeturinave komunale. | Takim i drejtpërdrejtë me drejtorin e NPK-së „Komunalec” – Prilep, më datë 15.09.2026. |
| 3.2 | Qytetarët kanë iniciuar pjesëmarrje në vendimet që lidhen me masën që monitorohet | Po | Më 11 korrik është dorëzuar një kërkesë nga një grup qytetarësh përmes platformës ,,Prilepi im” dhe është organizuar një aksion i përbashkët pune për grumbullimin dhe largimin e mbeturinave. Më 16 korrik është publikuar një njoftim nga një qytetare e Komunës së Prilepit përmes profilit të saj në Facebook, pas të cilit është ndërmarrë aksioni përkatës. Qytetarët e Prilepit e përdorin gjerësisht zërin e tyre në hapësirën digjitale për të ndikuar në përmirësimin e shërbimeve komunale. Ka publikime të shpeshta për lokacione të mbingarkuara me mbeturina në grupet e Facebook-ut, si „Prilepi im” dhe profile të ngjashme, ku qytetarët pothuajse çdo ditë publikojnë fotografi dhe video nga mikrolokacione konkrete në qytet dhe në vendbanimet periferike, ku kontejnerët janë të tejmbushur me mbeturina ose ku krijohen deponi të vogla ilegale. Përmes këtyre publikimeve, qytetarët organizohen dhe ushtrojnë presion në mënyrë digjitale, duke etiketuar drejtpërdrejt profilet zyrtare të komunës dhe të NPK-së „Komunalec”, për të treguar se në cilat lokacione sistemi i grumbullimit të mbeturinave nuk funksionon siç duhet, veçanërisht sa i përket rregullsisë së grumbullimit dhe kapacitetit të kontejnerëve | https://www.facebook.com/mojotprilep/posts/pfbid013bKm6zin4CXwWYmVQP9NjcyCumFtsMtbz9Adm5buULqLKdFZAp421WmTFEqXcjgl?rdid=wHA8C2qESHlIeXjp# https://www.facebook.com/groups/198782505385013/permalink/1506183584644892/?rdid=yhsmq703QLdyZ03m# |
| Qytetarët janë përfshirë në procesin e zbatimit të masës konkrete përmes: | ||||
| 3.3.1 | Tubime publike, debate dhe forume | Po | Më 26.07.2026 u mbajt një takim në terren, në të cilin morën pjesë 20 persona. Pjesëmarrësit ishin të rinj të moshës 18–29 vjeç. Në takim u diskutua për masën, përkatësisht për rregullsinë e grumbullimit të mbeturinave komunale, mbulimin territorial dhe efikasitetin e shërbimeve në Prilep. Gjithashtu, gjatë periudhës raportuese u organizuan edhe dy fushata publike në Prilep, më 16.08.2026 dhe më 17.09.2026. Gjatë këtyre ngjarjeve u promovua një kod QR. Qytetarët fotografonin deponitë dhe mbeturinat dhe, duke skanuar kodin, i ngarkonin fotografitë përkatëse. Në fushatat publike morën pjesë mbi 250 persona. | https://radiopela.mk/73431/ |
| 3.3.2 | Mundësi për pjesëmarrje elektronike përmes aplikacioneve mobile, ueb-faqes, formularëve elektronikë etj. | Po | Komuna e Prilepit ofron mundësi për paraqitjen e problemeve lidhur me masën përkatëse përmes ueb-faqes zyrtare të komunës. | |
| 3.3.3 | Ditë të hapura të komunës | Po | Në Komunën e Prilepit, çdo e enjte është ditë e hapur për takime me qytetarët. Nuk ka ditë të caktuar të hapur për masën që lidhet me grumbullimin e mbeturinave komunale – rregullsinë, mbulimin territorial dhe efikasitetin e shërbimeve. Mesatarisht, në ditët e hapura marrin pjesë 15–20 qytetarë. Në NPK „Komunalec”, duke filluar nga korriku i vitit 2026, çdo ditë është ditë e hapur për qytetarët. Qytetarët dhe përfaqësuesit e bashkësive kanë raportuar lokacione konkrete ku ka mungesë të koshave për mbeturina, veçanërisht në vendbanimet periferike dhe rurale. Kërkesat për kosha të rinj, të paraqitura nga banorët e zonave rurale, janë marrë parasysh nga ekipet profesionale të NPK-së „Komunalec”, të cilat aktualisht po kryejnë vlerësimin e gjendjes në terren. Këto lokacione janë përfshirë në planin për shpërndarjen prioritare të 8.318 koshave të rinj, të siguruar përmes programit të BERZH-it/SECO-s. | |