Matrica e monitorimit
| Nr. | Kriteri i monitorimit | Statusi | Përshkrim & vërejtje | Burimi |
|---|---|---|---|---|
| I. Zbatimi i masës që monitorohet | ||||
| 1.1 | Mjete buxhetore të alokuara në buxhetin e komunës për vitin 2026 për realizimin e masës | Po | Për realizimin e kësaj mase janë siguruar mjete financiare për disa projekte rrugore. Kontrata për rrugën lokale Studeniçan–Idrizovë kap vlerën prej 44.010.165 denarësh, me TVSH. Gjithashtu, po realizohen rrethrrotullimi në Moranë dhe rruga/ura në Batincë, të financuara nga mjetet e linjës së kredisë së Qeverisë | Kontrata nr. 11-910/3, datë 30.09.2025; |
| 1.2 | Prokurime publike të planifikuara dhe/ose të realizuara në lidhje me masën | Po | Për projektet janë zhvilluar procedurat e prokurimit publik dhe janë lidhur kontratat me kontraktorët e përzgjedhur. Për Studeniçan–Idrizovë, procedura është nr. 14365/2025; për rrethrrotullimin në Moranë, nr. 15335/2025; për rrugën/urën në Batincë, nr. 14443/2025. | Procedurat e prokurimit publik nr. 14365/2025, 15335/2025 dhe 14443/2025; kontratat nr. 11-910/3, 09-1622/1 dhe 11-915/3. |
| 1.3 | Janë siguruar parakushtet e nevojshme për realizimin e aktiviteteve që lidhen me masën (p.sh. leje, aktivitete përgatitore, kuadro etj.) | Po | Janë siguruar kontratat me kontraktorët, mjetet financiare, mbikëqyrja dhe dokumentacioni i nevojshëm i projektit. Punimet në disa lokacione kanë filluar dhe monitorohen përmes situatave të përkohshme dhe raporteve të mbikëqyrjes. | Kontratat e lartpërmendura; situatat e përkohshme; raportet e mbikëqyrjes. |
| 1.4 | Po zbatohen aktivitete konkrete në lidhje me masën | Po | Në korrik të vitit 2026 kanë vazhduar punimet ndërtimore në rrugën lokale Studeniçan–Idrizovë. Sipas situatës së katërt të përkohshme dhe raportit të mbikëqyrjes, deri më 31.07.2026 ishin realizuar 75,22% e punimeve të kontraktuara. Në vijim janë edhe projektet për rrethrrotullimin në Moranë dhe rrugën/urën në Batincë. | –IV situatat e përkohshme për Studeniçan–Idrizovë, korrik 2026; Raporti për situatën e katërt të përkohshme, e datës 31.07.2026; informacione nga Komuna për punimet në vijim. |
| II. Transparenca dhe llogaridhënia e komunës/institucionit | ||||
| 2.1 | Komuna, përkatësisht institucioni përgjegjës, rregullisht ndan informacione për masën në ueb-faqe dhe rrjete sociale | Po | Gjatë tremujorit, në profilin e Facebook-ut të kryetarit të komunës dhe përmes kanaleve zyrtare të komunës, janë publikuar disa herë informacione dhe fotografi lidhur me ndërtimin dhe rikonstruksionin e rrugëve lokale. | Profili në Facebook i kryetarit të komunës dhe/ose kanalet zyrtare të Komunës së Studeniçanit – publikime konkrete lidhur me rrugët për periudhën korrik–shtator 2026. https://www.facebook.com/share/p/1FBzY3mkvF/ |
| 2.2 | Komuna, përkatësisht institucioni kompetent, u përgjigjet kërkesave për informacione me karakter publik të dërguara për masën konkrete | Jo | Nuk janë marrë informacione dhe nuk është siguruar dëshmi dokumentare nëse gjatë tremujorit janë paraqitur dhe janë përgjigjur Kërkesa për Qasje në Informata me Karakter Publik, konkretisht për këtë masë. Kërkesat dhe raportimet e rregullta të qytetarëve nuk trajtohen si Kërkesa për Qasje në Informata me Karakter Publik (KQIKP). | Dokumentacioni i projektit dhe komunikimi me Komunën – nuk është siguruar dëshmi dokumentare për Kërkesa për Qasje në Informata me Karakter Publik (KQIKP), konkretisht për këtë masë. |
| 2.3 | Komuna, përkatësisht institucioni përgjegjës, ndan informacione për masën me kërkesë të palëve të interesuara përmes takimeve, intervistave etj. | Po | Komuna ka ndarë informacione për gjendjen e projekteve rrugore përmes komunikimit të drejtpërdrejtë dhe bisedave me ekipin e projektit, si dhe përmes publikimeve publike. Në kuadër të monitorimit janë marrë informacione për ecurinë e punimeve dhe lokacionet konkrete. | Shënim zyrtar nga biseda me Komunën e Studeniçanit, nr. 03-99, datë 15.09.2026. |
| III. Pjesëmarrja e qytetarëve në vendimmarrje | ||||
| 3.1 | Qytetarët janë të përfshirë në vendimet që lidhen me realizimin e masës | Jo | Nuk është siguruar dëshmi se gjatë periudhës korrik–shtator 2026 qytetarët janë përfshirë formalisht në marrjen e vendimeve konkrete për realizimin e projekteve rrugore ose se qëndrimet e tyre janë përfshirë në vendime formale. | Shënim zyrtar/komunikim me Komunën nr. 03-99, datë 15.09.2026; dokumentacioni i projektit. |
| 3.2 | Qytetarët kanë iniciuar pjesëmarrje në vendimet që lidhen me masën që monitorohet | Jo | Gjatë tremujorit nuk është evidentuar ndonjë iniciativë e re formale qytetare, peticion ose kërkesë për pjesëmarrje në vendimmarrje, konkretisht lidhur me këtë masë. | Dokumentacioni i projektit; komunikimi me Komunën nr. 03-99, datë 15.09.2026. |
| Qytetarët janë përfshirë në procesin e zbatimit të masës konkrete përmes: | ||||
| 3.3.1 | Tubime publike, debate dhe forume | Po | Më 29.09.2026, Qendra për Asistencë organizoi një takim publik me 28 pjesëmarrës lidhur me gjendjen dhe realizimin e infrastrukturës rrugore lokale në Studeniçan. U diskutua për projektet aktuale, mirëmbajtjen e rrugëve lokale dhe nevojën për sinjalistikë dhe siguri më të mirë. Si përfundim, u theksua nevoja për vazhdimin e rikonstruksionit dhe mirëmbajtjes, përmirësimin e lidhjes ndërmjet vendbanimeve dhe informimin e rregullt të qytetarëve. | Raport i takimit publik të zhvilluar me qytetarët. |
| 3.3.2 | Mundësi për pjesëmarrje elektronike përmes aplikacioneve mobile, ueb-faqes, formularëve elektronikë etj. | Jo | Nuk është identifikuar ndonjë mjet i veçantë elektronik, aplikacion mobil ose formular elektronik për pjesëmarrjen e qytetarëve konkretisht në realizimin e masës | Raport i takimit publik të zhvilluar me qytetarët. |
| 3.3.3 | Ditë të hapura të komunës | Jo | Komuna ka mekanizma për pranimin e kërkesave dhe komunikimin e drejtpërdrejtë me qytetarët, por nuk është siguruar dëshmi se gjatë këtij tremujori është organizuar ditë e hapur në të cilën është diskutuar konkretisht për masën e monitoruar. | Shënim zyrtar nr. 03-99, datë 15.09.2026; informacion mbi pranimin e qytetarëve. |