Matrica e monitorimit
| Nr. | Kriteri i monitorimit | Statusi | Përshkrim & vërejtje | Burimi |
|---|---|---|---|---|
| I. Zbatimi i masës që monitorohet | ||||
| 1.1 | Mjete buxhetore të alokuara në buxhetin e komunës për vitin 2026 për realizimin e masës | Po | Në Buxhetin dhe Programin e Komunës së Studeniçanit për vitin 2026 janë paraparë mjete për realizimin e masës që lidhet me ndërtimin dhe rikonstruksionin e rrugëve lokale. Gjatë monitorimit do të monitorohet se a mbeten mjetet e alokuara në zërin e njëjtë buxhetor, a do të ketë ndryshime përmes rishikimit të buxhetit dhe a do të zhvillohet realizimi në përputhje me dinamikën e planifikuar. | Buxheti i Komunës së Studeniçanit për vitin 2026; Programi i Komunës së Studeniçanit; Fletorja Zyrtare/Vendimi i Këshillit të Komunës; Raporti tremujor i projektit. |
| 1.2 | Prokurime publike të planifikuara dhe/ose të realizuara në lidhje me masën | Po | Për masën është zhvilluar procedurë e prokurimit publik dhe është përzgjedhur ofertuesi. Me këtë është përmbushur një parakusht i rëndësishëm formal për fillimin e realizimit të aktiviteteve të planifikuara. Në periudhën e ardhshme do të monitorohet realizimi i kontratës, dinamika e zbatimit dhe ndryshimet eventuale në planin e prokurimeve publike. | Plani i prokurimeve publike i Komunës së Studeniçanit; informacionet e publikuara në SEPP/E-Prokurime; raporti tremujor i projektit; shënim zyrtar/procesverbal nga komunikimi me Komunën. |
| 1.3 | Janë siguruar parakushtet e nevojshme për realizimin e aktiviteteve që lidhen me masën (p.sh. leje, aktivitete përgatitore, kuadro etj.) | Po | Janë siguruar parakushtet themelore për realizimin e masës, duke përfshirë mjetet buxhetore dhe zhvillimin e procedurës së prokurimit publik me përzgjedhjen e ofertuesit. Në kuadër të monitorimit do të ndiqet se a do të shfaqen parakushte ose pengesa shtesë lidhur me realizimin në terren, siç janë: koordinimi me institucionet e tjera, infrastruktura nëntokësore ose kushtet e tjera teknike. | Buxheti i Komunës së Studeniçanit; Plani i prokurimeve publike; informacionet nga SEPP/E-Prokurime; shënim zyrtar/procesverbal nga biseda me Komunën; raporti tremujor i projektit. |
| 1.4 | Po zbatohen aktivitete konkrete në lidhje me masën | Po | Kanë filluar aktivitetet konkrete në terren për realizimin e masës, përkatësisht punimet ndërtimore në infrastrukturën rrugore lokale. Aktivitetet po zhvillohen në përputhje me programin e komunës, ndërsa në vijim do të monitorohen shtrirja, dinamika, cilësia dhe ndikimi i tyre te qytetarët. | Fotografi dhe publikime në rrjetet sociale të Komunës së Studeniçanit; vizitë/monitorim në terren; shënim zyrtar nga biseda me një person të punësuar në Komunën e Studeniçanit; raporti tremujor i projektit. |
| II. Transparenca dhe llogaridhënia e komunës/institucionit | ||||
| 2.1 | Komuna, përkatësisht institucioni përgjegjës, rregullisht ndan informacione për masën në ueb-faqe dhe rrjete sociale | Jo | Komuna herë pas here publikon informacione për aktivitetet që lidhen me rrugët lokale, veçanërisht përmes rrjeteve sociale, por publikimet nuk janë të rregullta dhe jo gjithmonë përmbajnë të dhëna të mjaftueshme për lokacionin, llojin, ecurinë, vlerën, afatet dhe fazën e realizimit. Nevojitet përmirësim i transparencës dhe informimit të rregullt të qytetarëve. | Ueb-faqja e Komunës së Studeniçanit; faqja në Facebook/rrjetet sociale të Komunës së Studeniçanit; monitorimi dhe shqyrtimi i publikimeve publike. |
| 2.2 | Komuna, përkatësisht institucioni kompetent, u përgjigjet kërkesave për informacione me karakter publik të dërguara për masën konkrete | Po | Sipas informacioneve të marra nga Komuna e Studeniçanit, gjatë tremujorit aktual janë pranuar të paktën 2–3 kërkesa nga qytetarët për informacione lidhur me infrastrukturën rrugore lokale. Kërkesave u është përgjigjur përmes postës elektronike dhe me shkrim, pa arkëtim të kompensimit. Komuna nuk ka rregullore të veçantë për arkëtimin e kërkesave të këtilla. | Shënim zyrtar/procesverbal nga biseda me Komunën e Studeniçanit; informacione të marra nga Komuna lidhur me kërkesat e pranuara dhe mënyrën e përgjigjes; raporti tremujor i projektit. |
| 2.3 | Komuna, përkatësisht institucioni përgjegjës, ndan informacione për masën me kërkesë të palëve të interesuara përmes takimeve, intervistave etj. | Po | Komuna e Studeniçanit ka ndarë informacione për masën përmes komunikimit të drejtpërdrejtë dhe takimeve me qytetarët. Në takimin me komunitetin lokal u prezantuan gjetjet fillestare lidhur me ndërtimin dhe rikonstruksionin e rrugëve lokale, ndërsa kryetari i komunës ndau informacione për ecurinë e aktiviteteve dhe sfidat gjatë realizimit. | Shënim zyrtar nga biseda me një person të punësuar në Komunën e Studeniçanit; procesverbal/raport nga takimi me komunitetin lokal; raporti tremujor i projektit |
| III. Pjesëmarrja e qytetarëve në vendimmarrje | ||||
| 3.1 | Qytetarët janë të përfshirë në vendimet që lidhen me realizimin e masës | Jo | Gjatë tremujorit nuk ka të dhëna të mjaftueshme se qytetarët janë përfshirë në mënyrë formale në marrjen e vendimeve konkrete lidhur me realizimin e masës. Edhe pse ka pasur komunikim dhe takime me qytetarët, nuk ka të dhëna se qëndrimet e tyre janë përfshirë në mënyrë formale në vendimet e mëtejshme të Komunës. | Pyetësorë nga takimi me komunitetin lokal në Studeniçan; analizë e detajuar e 24 pyetësorëve; shënim zyrtar nga biseda me Komunën; raporti tremujor i projektit. |
| 3.2 | Qytetarët kanë iniciuar pjesëmarrje në vendimet që lidhen me masën që monitorohet | Jo | Gjatë tremujorit aktual nuk ka të dhëna për peticione të paraqitura zyrtarisht, iniciativa qytetare ose kërkesa për pjesëmarrje në vendimmarrje lidhur me këtë masë. Në kuadër të takimit të projektit, qytetarët shprehën mendimet dhe propozimet e tyre, por kjo nuk përbën një iniciativë formale qytetare të paraqitur pranë Komunës. | Pyetësorë nga takimi me komunitetin lokal në Studeniçan; analizë e detajuar e 24 pyetësorëve; shënim zyrtar nga biseda me Komunën; raporti tremujor i projektit. |
| Qytetarët janë përfshirë në procesin e zbatimit të masës konkrete përmes: | ||||
| 3.3.1 | Tubime publike, debate dhe forume | Po | Më 30.06.2026 u organizua një takim me komunitetin lokal në Komunën e Studeniçanit, ku u prezantuan gjetjet fillestare të monitorimit për infrastrukturën rrugore lokale. Në takim morën pjesë qytetarë, përfaqësues të Komunës, kryetari i komunës dhe ekipi i projektit. U diskutua nevoja për rikonstruksionin e rrugëve, infrastruktura e dëmtuar, mundësitë e kufizuara financiare të Komunës dhe nevoja për koordinim më të mirë me pushtetin qendror dhe institucionet publike. Nga pjesëmarrësit u mblodhën 24 pyetësorë. | Procesverbal/raport nga takimi me komunitetin lokal në Komunën e Studeniçanit më 30.06.2026; lista e pjesëmarrësve; 24 pyetësorë të plotësuar; fotografi nga ngjarja; raporti tremujor i projektit. |
| 3.3.2 | Mundësi për pjesëmarrje elektronike përmes aplikacioneve mobile, ueb-faqes, formularëve elektronikë etj. | Jo | Gjatë monitorimit nuk është konstatuar se Komuna e Studeniçanit ka siguruar ndonjë mjet të veçantë elektronik, aplikacion mobil, ueb-formular ose formë tjetër digjitale të dedikuar posaçërisht për pjesëmarrjen e qytetarëve në realizimin e kësaj mase. Qytetarët mund t’i përdorin kanalet e përgjithshme të kontaktit, por ato nuk përbëjnë një mekanizëm të veçantë për pjesëmarrje elektronike. | Ueb-faqja e Komunës së Studeniçanit; shënim zyrtar nga biseda me Komunën; monitorim dhe shqyrtim i mjeteve elektronike të disponueshme; raporti tremujor i projektit. |
| 3.3.3 | Ditë të hapura të komunës | Po | Në ueb-faqen e Komunës së Studeniçanit është publikuar informacioni se pritja e qytetarëve zhvillohet të enjten. Gjatë ditëve të pritjes, qytetarët mund të parashtrojnë drejtpërdrejt pyetje, të paraqesin probleme dhe të raportojnë nevojën për ndërhyrje lidhur me infrastrukturën lokale. Në periudhën e ardhshme do të monitorohet vallë dhe sa pyetje lidhur me këtë masë janë parashtruar përmes ditëve të hapura. | Ueb-faqja e Komunës së Studeniçanit; shënim zyrtar nga biseda me një person të punësuar në Komunë; raporti tremujor i projektit. |