Матрица за мониторинг
| Бр. | Критериум за мониторинг | Статус | Краток опис и забелешки | Извор на информации |
|---|---|---|---|---|
| I. Спроведување на мерката која се мониторира | ||||
| 1.1 | Алоцирани буџетски средства во буџетот на општината за 2026 година за реализација на мерката | Да | Во Буџетот на Општина Студеничани за 2026 година се алоцирани средства во вкупен износ од 2,436,000.00 денариза одржување и заштита на локалните патишта, усвоени со одлука на Советот на Општината. Во текот на мониторингот ќе се следат реализацијата на средствата и евентуалните измени при ребаланс. | Програма за локални патишта на општина Студеничани |
| 1.2 | Планирани и/или реализирани јавни набавки во врска со мерката | Да | Јавната набавка поврзана со реализацијата на мерката е спроведена и завршена, со избран понудувач ФЛУИД Проект Доо. | Назив на набавката: За јавна набавка на работи одржување на локални патишта на територијата на општина Студеничани по јавен оглас бр. 06503/2026 |
| 1.3 | Обезбедени се неопходните предуслови за реализација на активности поврзани со мерката (пример дозволи, подготвителни активности, кадар и сл.) | Да | Обезбедени се потребните предуслови за одржување на локалните патишта: буџетски средства, спроведена јавна набавка и ангажирана фирма преку рамковен договор а одржување на патишта ЗБp. 09-837/1 | Бp. 09-837/1 |
| 1.4 | Се спроведуваат конкретни активности во врска со мерката | Не | Во текот на кварталот е завршена јавната набавка и склучен е договор, но не се обезбедени податоци или докази дека се започнати конкретни теренски активности за реализација на мерката. Во следниот период ќе се следат отпочнувањето, видот и обемот на изведените работи. Анализирана е фејсбук страната на градоначалникот. | |
| II. Транспарентност и отчетност на општината/институцијата | ||||
| 2.1 | Општината т.е одговорната институција редовно споделува информации за мерката на веб страницата и социјални медиуми | Не | Општината повремено објавува информации за активности поврзани со одржување на локалните патишта, но објавите не се редовни и не содржат секогаш доволно податоци за локацијата, видот и текот на интервенциите. Потребно е подобрување на транспарентноста и редовното информирање на граѓаните. | |
| 2.2 | Општината т.е надлежната институција одговара на Барање за информации од јавен карактер испратени за конкретната мерка | Да | Според информациите од Општина Студеничани, во тековниот квартал биле примени најмалку 2–3 барања од граѓани поврзани со мерката. На барањата е одговорено по електронска пошта и писмено, без наплата на надоместок. Општината нема посебен правилник за наплата на информации од јавен карактер. Барањата за интервенции и одржување на улиците се проследуваат од Одделението за урбанизам до фирмата со која Општината има склучено рамковен договор за одржување. | Записник од состанок со вработено лице од општината |
| 2.3 | Општината т.е одговорната институција споделува информации за мерката по барање на засегнати страни преку состаноци, интервјуа, средби и сл. | Да | Во текот на кварталот Општина Студеничани споделуваше информации за мерката преку директни разговори и средба со граѓаните, на која присуствуваше градоначалникот. Беа презентирани информации за текот на реализацијата, активностите и пречките со кои се соочува Општината. | Извор на информации: Извештај од средбата со Општината и спроведени прашалници до граѓани |
| III. Учество на граѓаните во донесувањето одлуки | ||||
| 3.1 | Граѓаните се вклучени во одлуки поврзани со реализација на мерката | Не | Во текот на кварталот граѓаните не биле формално вклучени или консултирани при донесување одлуки поврзани со мерката. Нема податоци дека нивните ставови и предлози биле вклучени во понатамошните одлуки на Општината. | Записник од разговор со вработено лице во општината |
| 3.2 | Граѓаните иницирале учество во одлуките поврзани со мерката која се мониторира | Не | Во овој квартал нема евидентирани формални барања, петиции или граѓански иницијативи поврзани со мерката. Граѓаните досега не иницирале учество во донесувањето одлуки. | Записник од разговор со вработено лице во општината |
| Граѓаните биле вклучени во процесот на спроведување на конкретната мерка преку: | ||||
| 3.3.1 | Јавни собири, дебати и форуми | Да | На 30.06.2026 година организацијата Центар за Асистенција организираше средба со граѓаните во Општина Студеничани, на која беа презентирани почетните наоди од мониторингот на локалната патна инфраструктура. На средбата присуствуваше и градоначалникот, а граѓаните поставуваа прашања и даваа предлози. Во понатамошниот мониторинг ќе се следи дали предлозите ќе бидат земени предвид. | Извештај од спроведена средба |
| 3.3.2 | Можност за електронско учество преку мобилни апликации, веб страна, електронски обрасци и сл. | Не | Не е обезбедена посебна можност за електронско учество на граѓаните во врска со одржувањето на локалните патишта преку мобилна апликација, веб-образец или друга електронска алатка. Во овој квартал нема евидентирано електронско учество. | Видливо на wеб страната на општината, како и Записнк од спроведен разговор со вработено лице. |
| 3.3.3 | Отворени денови на општината | Да | Општина Студеничани организира отворени денови во четврток, на кои граѓаните можат директно да разговараат со претставниците на Општината и да поставуваат прашања поврзани со локалната патна инфраструктура. Во понатамошниот мониторинг ќе се следат бројот на учесници, поднесените барања и нивниот исход | Достапно како информација на веб страната |