Matrica e monitorimit
| Nr. | Kriteri i monitorimit | Statusi | Përshkrim & vërejtje | Burimi |
|---|---|---|---|---|
| I. Zbatimi i masës që monitorohet | ||||
| 1.1 | Mjete buxhetore të alokuara në buxhetin e komunës për vitin 2026 për realizimin e masës | Jo | Deri më tani, nuk është bërë alokimi i mjeteve buxhetore në buxhetin e komunës për vitin 2026, dhe kjo nuk është përmendur as në raportin e punës së komunës për 100 ditët e para të mandatit të saj në vitin 2026. | Raporti i llogaridhënies për vitin 2026, takimi me kryetaren e komunës dhe procesverbali i takimit, si dhe takimi me bartësen e listës së kandidatëve për këshilltarë komunalë. |
| 1.2 | Prokurime publike të planifikuara dhe/ose të realizuara në lidhje me masën | Jo | Nuk janë zhvilluar dhe realizuar procedura të prokurimit publik në lidhje me ndërtimin e Qendrës Kulturore Rinore. Eurothink i ka siguruar këto informacione përmes përgjigjeve të kërkesave për qasje në informata me karakter publik, të dorëzuara në komunë, si dhe gjatë takimeve me kryetaren e komunës dhe bartësen e listës së kandidatëve për këshilltarë komunalë. | Përgjigje e kërkesës për qasje në informata me karakter publik, raporti i llogaridhënies për 100 ditët e para të mandatit të kryetares së re të komunës, si dhe takimet me kryetaren e komunës dhe bartësen e listës së kandidatëve për këshilltarë komunalë, të mbajtura më 18 shtator dhe 16 korrik |
| 1.3 | Janë siguruar parakushtet e nevojshme për realizimin e aktiviteteve që lidhen me masën (p.sh. leje, aktivitete përgatitore, kuadro etj.) | Jo | Në lidhje me masën, gjatë periudhës prill–qershor 2026 janë shqyrtuar disa lokacione, siç është evidentuar edhe në raportin e parë tremujor. Aktualisht, lokacioni i përcaktuar për ndërtimin e qendrës është në Draçevë, pranë kryqit. Qendra parashihet të ketë tri nivele dhe të shërbejë për qëllime multifunksionale, duke qenë e dedikuar për të rinjtë, të rriturit dhe pensionistët. Megjithatë, deri më tani nuk janë ndërmarrë hapa të tjerë konkretë për realizimin e ndërtimit të qendrës. Duke qenë se lokacioni i përcaktuar ndodhet më larg, parashihet që edhe Qendra “Biljana Beliçanec” të shfrytëzohet për këtë qëllim, duke marrë parasysh kushtet teknike ekzistuese. | Takimi me kryetaren e komunës, i mbajtur më 18 shtator, procesverbali i takimit me kryetaren e komunës dhe përgjigjet ndaj kërkesave për qasje në informata me karakter publik |
| 1.4 | Po zbatohen aktivitete konkrete në lidhje me masën | Jo | Aktualisht, e vetmja masë e ndërmarrë në drejtim të realizimit të ndërtimit të qendrës është përcaktimi i lokacionit. Gjatë periudhës së parë raportuese, përkatësisht prill–qershor 2026, lokacioni ende nuk ishte përcaktuar. | Takimi me kryetaren e komunës, procesverbali nga takimi i mbajtur më 18 shtator dhe përgjigjet ndaj kërkesave për qasje në informata me karakter publik. |
| II. Transparenca dhe llogaridhënia e komunës/institucionit | ||||
| 2.1 | Komuna, përkatësisht institucioni përgjegjës, rregullisht ndan informacione për masën në ueb-faqe dhe rrjete sociale | Jo | Informacionet lidhur me hapjen e Qendrës Kulturore Rinore në Kisella Vodë nuk janë bërë publike, pasi ende nuk kanë filluar aktivitetet në terren, punimet ndërtimore, përgatitja e hapësirës apo veprimtari të tjera të ngjashme. | Nuk ka. |
| 2.2 | Komuna, përkatësisht institucioni kompetent, u përgjigjet kërkesave për informacione me karakter publik të dërguara për masën konkrete | Po | Eurothink ka marrë përgjigje nga komuna për të gjitha kërkesat e dorëzuara për qasje në informata me karakter publik. Përgjigjet janë përcjellë përmes postës elektronike, në përputhje me kërkesat e parashtruara. Pas pranimit të tyre, Eurothink organizoi një takim me kryetaren e komunës, gjatë të cilit ajo bëri të ditur se është gjetur lokacioni për realizimin e këtij projekti në Draçevë, pranë kryqit, ku parashihet të ndërtohet një objekt me tri nivele. Kryetarja e komunës e pranoi ftesën për takim që në kontaktin e parë. | Përgjigje e kërkesës për qasje në informata me karakter publik dhe procesverbali nga takimi me kryetaren e komunës. |
| 2.3 | Komuna, përkatësisht institucioni përgjegjës, ndan informacione për masën me kërkesë të palëve të interesuara përmes takimeve, intervistave etj. | Jo | Gjatë takimit me kryetaren e komunës, Eurothink mori informacion se ajo kishte realizuar vizita në terren në lokacione të ndryshme, me qëllim përzgjedhjen e lokacionit të përshtatshëm. Gjithashtu, ajo kishte zhvilluar vizita edhe te grupet e banorëve të moshuar, gjë që e kishte çuar drejt idesë që qendra e planifikuar në Draçevë të ketë karakter multifunksional | Procesverbal nga takimi me përfaqësuesit e komunës dhe kryetaren e komunës |
| III. Pjesëmarrja e qytetarëve në vendimmarrje | ||||
| 3.1 | Qytetarët janë të përfshirë në vendimet që lidhen me realizimin e masës | Jo | Komuna nuk ka ndërmarrë hapa konkretë për përfshirjen e qytetarëve në vendimmarrjen lidhur me realizimin e masës. Janë zhvilluar biseda me qytetarë të moshave dhe grupeve të ndryshme shoqërore për shqyrtimin e premtimit, me qëllim që Qendra Kulturore Rinore të shndërrohet në një hapësirë me karakter multifunksional, e dedikuar për të rinjtë, të rriturit dhe pensionistët. Ndërkohë, një pjesë e hapësirës së Shtëpisë së Kulturës „Biljana Beliçanec“ parashihet të riorganizohet dhe të shfrytëzohet si qendër kulturore rinore, për shkak të kushteve teknike ekzistuese. | Përgjigje të Kërkesave për informata me karakter publik. |
| 3.2 | Qytetarët kanë iniciuar pjesëmarrje në vendimet që lidhen me masën që monitorohet | Jo | Nga qytetarët nuk ka pasur iniciativë për pjesëmarrje në vendimet lidhur me masën | Përgjigje e Kërkesës për informata me karakter publik. |
| Qytetarët janë përfshirë në procesin e zbatimit të masës konkrete përmes: | ||||
| 3.3.1 | Tubime publike, debate dhe forume | Jo | Meqenëse realizimi i masës ende nuk ka filluar, qytetarët nuk kanë marrë pjesë në aktivitete që lidhen drejtpërdrejt me këtë masë. Eurothink nuk ka organizuar tubime publike, debate apo forume për këtë çështje. Në kuadër të aktiviteteve të projektit, janë zhvilluar tri takime me organizata rinore të shoqërisë civile: KRIK, Forumi për Arsim Rinor (MOF) dhe Qendra Vullnetare e Shkupit. Dy nga takimet u mbajtën në muajin korrik, ndërsa njëri në shtator. Pjesëmarrësit u përkisnin komuniteteve të ndryshme etnike, grupmoshave dhe fushave të ndryshme të interesit, me fokus të veçantë në çështjet rinore. | Përgjigje e Kërkesës për informata me karakter publik |
| 3.3.2 | Mundësi për pjesëmarrje elektronike përmes aplikacioneve mobile, ueb-faqes, formularëve elektronikë etj. | Jo | Meqenëse zbatimi i masës ende nuk ka filluar, qytetarët nuk kanë marrë pjesë në aktivitete që lidhen me këtë masë përmes aplikacioneve mobile, faqes së internetit apo formularëve elektronikë. Megjithatë, në faqen zyrtare të komunës ekziston mundësia e regjistrimit dhe përdorimit të opsionit „Pyete kryetaren e komunës“. Gjithashtu, në përgjigjet ndaj kërkesave për qasje në informata me karakter publik, zyrtarët komunalë kanë theksuar se qytetarët shpesh komunikojnë drejtpërdrejt me kryetaren e komunës dhe shërbimet komunale përmes rrjeteve sociale. | Përgjigje e Kërkesës për informata me karakter publik |
| 3.3.3 | Ditë të hapura të komunës | Po | Nga përgjigjja e marrë e kërkesës për qasje në informata me karakter publik, konkludojmë se komuna organizon ditë të hapura të paktën një herë në muaj, ndërsa në praktikë ato mbahen disa herë gjatë muajit. Për t’ua lehtësuar pjesëmarrjen banorëve, komuna zakonisht i organizon këto ditë të shtunave. Përveç kësaj, janë përmendur edhe takimet në terren me kryetaren e komunës, si dhe mundësitë e komunikimit elektronik përmes faqes zyrtare të komunës dhe rrjeteve sociale, me qëllim lehtësimin e komunikimit me qytetarët. | Përgjigje e Kërkesës për informata me karakter publik, ueb-faqja e komunës, rrjetet sociale |