Во заедничка организација на Левица и ИФЕС, на 18 и 19 јуни во Скопје ќе се одржи дводневна работилница за членови на политичката партија Левица насловена „Паметна опозиција: Мобилизација, градење алтернативи и влијателно локално дејствување“. На работилницата учесниците ќе дискутираат за современите предизвици и можности за политичко организирање, улогата на конструктивната опозиција, мобилизацијата на членството и зајакнувањето на врските со граѓаните.

Преку интерактивни сесии и практични вежби, учесниците ќе работат на унапредување на комуникацијата со различните општествени групи, развивање локални иницијативи, справување со дезинформации, подготовка на политики засновани на докази и ефикасно застапување на политичките предлози. Дополнително, ќе бидат обработени теми поврзани со преговарање, градење сојузништва и стратешко планирање за постигнување конкретни политички резултати.