Në 8 shtator bashkë me Enes Limanin e hapëm ciklin e Town hall diskutimeve me pjesëmarrësit e Akademisë për politika publike.

Takimi u mbajt në Restorant Garden – Saraj me fillim në ora 17:00

Enes përveç se është pjesëmarrës në Akademinë për politika publike, gjithashtu është edhe anëtar i Forumit Rinor të Bashkimit Demokratik për Integrim.

Përpara të pranishmive ai prezantoi procesin e shkrimit të dokumentit të shkurtër për politika dhe problemin të cilin ka zgjedhur ta përshkruaj me temën ”Avancimi i jetës dhe mundësive kulturore në komunën e Sarajit”.

Ideja kryesore e këtij dokumenti është lobimi për ndërtimin e një Qendër Kulture.

Pjesëmarrësit kishin njohuri dhe prejardhje nga fusha e kulturës si dhe kishin një  rol vendimtar në shoqatat dhe ansamblet kulturore. Bashkë me Enesin ata diskutuan mbi nevojat, sfidat dhe mundësitë që do t’iu ofronte një Qendër Kulture meqë ata veçse organizojnë festivale të ndryshme ndërkombëtare.

Informata kthyese që Enesi morri do t’i ndihmojë atij në krijimin e dokumentit të shkurtër për politika, duke i konsideruar të gjitha anët e tregimit.

Na ndiqni për të mësuar më shumë rreth punës së pjesëmarrësvet të Akademisë së politikave publike.