10 qershori ishte dita kur u zhvillua  vebinari i tretë me pjesëmarrësit e Akademisë së politikave publike.

Këtë vebinar e filluam  në një mënyrë tjetër, duke përfshirë ushtrime dhe duke i ndarë pjesëmarrësit në grupe të vogla. Me anë të këtyre ushtrimeve, u munduam të bëjmë një rikujtim në rëndësinë së dokumentave të shkurtra për politika, llojet e tyre dhe hapat e krijimit.

Si vazhdim i kësaj, ne shtjelluam temën e re të vebinarit, e cila ishte “Dokumentet e shkurtra të politikave në programet partiake”.

Përfaqësuesit e forumeve rinore ndanë mendimet dhe përvojat e tyre në lidhje me temën dhe pikëpamjen e tyre se si duhet të përfshihen dokumentet e shkurtra të politikave në programet e partive  politike.