Ngjarja organizohet në partneritet me Lobin e grave maqedonase në kuadër të Programit për mbështetje zgjedhore të Qeverisë së Zvicrës dhe realizohet nga IFES.

Paneli synon të prezantojë Kodin e sjelljes që adreson shqetësimet në lidhje me dhunën ndaj grave të përfshira në politikë dhe procesin zgjedhor, duke e njohur atë si një fenomen të rëndësishëm negativ që ndikon në pjesëmarrjen politike të grave dhe burrave.

Pjesa e dytë e ngjarjes do t’i kushtohet një diskutimi midis përfaqësuesve të partive politike dhe kontributeve nga institucionet përkatëse mbi qasjet më të mira për zbatimin e Kodit, duke kontribuar kështu në një mjedis politik të sigurtë dhe të barabartë. Këto do të sigurojnë që pjesëmarrja politike e grave të jetë e lirë nga çdo formë dhune dhe të shërbejë si bazë për politikëbërjen gjithëpërfshirëse.