Matrica e monitorimit
| Nr. | Kriteri i monitorimit | Statusi | Përshkrim & vërejtje | Burimi |
|---|---|---|---|---|
| I. Zbatimi i masës që monitorohet | ||||
| 1.1 | Mjete buxhetore të alokuara në buxhetin e komunës për vitin 2026 për realizimin e masës | Jo | Në buxhetin e Komunës së Krivogashtanit për vitin 2026 nuk ka zë të veçantë buxhetor për masën „Pastrimi i deponive ilegale“. Mjetet financiare nuk janë alokuar qartë për këtë masë, por janë përfshirë në kategorinë e shërbimeve komunale, pa u specifikuar shuma e dedikuar për pastrimin e deponive ilegale. Shuma e alokuar prej 150.000 denarësh në zërin „Shërbime komunale“ është paraparë si për grumbullimin e mbeturinave, ashtu edhe për pastrimin e deponive ilegale. | Plani i programeve për zhvillimin e veprimtarive komunale në vendbanimet e Komunës së Krivogashtanit për periudhën 2026–2028, si dhe buxheti i Komunës së Krivogashtanit dhe i NP „Pelagonia“, u miratuan më 12.12.2025. |
| 1.2 | Prokurime publike të planifikuara dhe/ose të realizuara në lidhje me masën | Jo | Në planin e prokurimeve publike nuk janë paraparë prokurime publike për këtë masë. | Plani për prokurimet publike të Komunës së Krivogashtanit - https://e-nabavki.gov.mk/InstitutionGridData.aspx?fbclid=IwAR2ksoZ5zha0RCNSv9YmvmxeTrxd0aQj68iR10jnNov_HF_dH0kMZQ10zLw#/ciAnnouncementPlansGrid/c5cd9bd3-395a-4244-a481-2d890e42261d |
| 1.3 | Janë siguruar parakushtet e nevojshme për realizimin e aktiviteteve që lidhen me masën (p.sh. leje, aktivitete përgatitore, kuadro etj.) | Po | Parakusht për zbatimin e kësaj mase është hartëzimi i deponive ilegale, pas çka bëhet edhe largimi i tyre. Nuk ekziston dokument zyrtar që përcakton vendndodhjet e deponive ilegale. Deponi të reja ilegale krijohen çdo ditë dhe ato hartëzohen drejtpërdrejt në terren nga NP „Pelagonia“. | Takim me drejtorin e NP „Pelagonia“ më 03.09.2026. |
| 1.4 | Po zbatohen aktivitete konkrete në lidhje me masën | Jo | Megjithëse nuk ka publikime në ueb-faqen dhe në faqen e Facebook-ut, është theksuar se zhvillohen aktivitete konkrete në terren. U bë e ditur se pastrimi i jashtëzakonshëm i deponive ilegale kryhet dy herë në muaj në këto lokacione: Krivogashtan, Bela Cërkva, Rufci, Krusheani dhe Obrshani. | Takim me drejtorin e NP „Pelagonia“ më 03.09.2026. |
| II. Transparenca dhe llogaridhënia e komunës/institucionit | ||||
| 2.1 | Komuna, përkatësisht institucioni përgjegjës, rregullisht ndan informacione për masën në ueb-faqe dhe rrjete sociale | Jo | Komuna e Krivogashtanit ka një ueb-faqe aktive, ku publikohen informacione lidhur me menaxhimin e mbeturinave. NP „Pelagonia“ nuk ka ueb-faqe aktive, ndërsa nga institucioni kemi marrë përgjigjen se ajo është në proces të përgatitjes dhe pritet të vihet në funksion. Të dy institucionet kanë faqe aktive në Facebook, por nuk publikojnë informacione për aktivitetet e tyre të vazhdueshme, edhe pse aktivitete konkrete realizohen në terren. | Ueb-faqja e NPK Pelagonija: https://www.facebook.com/profile.php?id=100081132322758 |
| 2.2 | Komuna, përkatësisht institucioni kompetent, u përgjigjet kërkesave për informacione me karakter publik të dërguara për masën konkrete | Jo | Më 3 shtator, Grupi Lokal i Veprimit (GLV) „Agro Lider“ paraqiti kërkesë për qasje në informata me karakter publik. Deri në fund të kësaj periudhe, nuk është marrë përgjigje ndaj kërkesës. | Ekipi i projektit |
| 2.3 | Komuna, përkatësisht institucioni përgjegjës, ndan informacione për masën me kërkesë të palëve të interesuara përmes takimeve, intervistave etj. | Jo | Gjatë këtij tremujori, GLV „Agro Lider“ zhvilloi një takim me drejtorin e NP „Pelagonia“ në Krivogashtan. Edhe pse nuk janë organizuar takime zyrtare, çdo qytetar ka mundësi të paraqesë kërkesë për organizimin e një takimi me personat përkatës. Megjithatë, gjatë kësaj periudhe nuk janë pranuar kërkesa nga qytetarët për përfshirjen e tyre. | Takim me drejtorin e NP „Pelagonia“ më 3 shtator 2026. |
| III. Pjesëmarrja e qytetarëve në vendimmarrje | ||||
| 3.1 | Qytetarët janë të përfshirë në vendimet që lidhen me realizimin e masës | Jo | Gjatë këtij tremujori nuk janë zhvilluar konsultime formale dhe takime me qytetarët. | Takim me drejtorin e NP „Pelagonia“ më 3 shtator 2026. |
| 3.2 | Qytetarët kanë iniciuar pjesëmarrje në vendimet që lidhen me masën që monitorohet | Jo | Gjatë këtij tremujori nuk janë evidentuar zyrtarisht kërkesa me shkrim për takime, peticione të nënshkruara apo iniciativa formale qytetare të dorëzuara në arkivin e Komunës së Krivogashtanit ose të NP-së „Pelagonia“. Gjithashtu, nuk ka pasur pjesëmarrje të drejtpërdrejtë fizike të qytetarëve në seancat e Këshillit të Komunës lidhur konkretisht me këtë masë. | Takim me sekretarin e Komunës së Krivogashtanit dhe drejtorin e NP-së „Pelagonia“ në Krivogashtan, më 03.09.2026. |
| Qytetarët janë përfshirë në procesin e zbatimit të masës konkrete përmes: | ||||
| 3.3.1 | Tubime publike, debate dhe forume | Po | GLV „Agro Lider“ inicioi dhe organizoi një tubim publik – takim në terren më 26.06.2026 në Krivogashtan, lidhur me këtë masë. Gjatë takimit u diskutua për sfidat aktuale që lidhen me zbatimin e masës. Në takim morën pjesë 20 qytetarë të moshave të ndryshme dhe nga vendbanime të ndryshme. Gjithashtu, u zhvilluan dy fushata publike, gjatë të cilave u promovua një kod QR, përmes të cilit qytetarët mund të fotografojnë dhe të hartëzojnë deponitë ilegale. | https://radiopela.mk/73431/ |
| 3.3.2 | Mundësi për pjesëmarrje elektronike përmes aplikacioneve mobile, ueb-faqes, formularëve elektronikë etj. | Jo | Komuna e Krivogashtanit dhe NP „Pelagonia“ nuk ofrojnë mundësi për pjesëmarrjen elektronike të qytetarëve përmes ueb-faqeve të tyre zyrtare. | |
| 3.3.3 | Ditë të hapura të komunës | Po | Edhe pse Komuna e Krivogashtanit nuk ka një ditë të caktuar për dyer të hapura, qytetarët mund ta vizitojnë komunën çdo ditë për t’u informuar për çështjet që lidhen me këtë masë. Nuk ka një ditë të veçantë për konsultime lidhur me grumbullimin e mbeturinave komunale, përkatësisht rregullsinë, mbulimin territorial dhe efikasitetin e shërbimeve. Mesatarisht, çdo ditë komunën e vizitojnë 4–5 qytetarë. Gjatë këtyre vizitave, qytetarët kërkojnë përmirësimin e kushteve të jetesës, raportojnë raste të mosgrumbullimit të mbeturinave dhe paraqesin çështje të tjera që lidhen me shërbimet komunale. | Gjetjet e dala nga biseda me përfaqësuesit e Komunës së Krivogashtanit dhe të NP-së „Pelagonia“, më 03.09.2026. |