Ана Клесова ќе ја спроведе последната герила акција и ќе го сними завршното видео како дел од иницијативата Преку границите. Заедно со своите соработници, таа ќе креира модел на Регионален центар за соработка во Преспа и граничниот премин „Маркова Нога-Лемос“. По поставувањето на моделот, ќе се проектираат пораки за солидарност и заедништво.

Преку различни активности за мобилизација на заедницата, оваа иницијатива ги активира младите кои живеат во погранични региони и општини, како што се Струмица, Валандово и Гевгелија, да разговараат за заедничките интереси, предизвиците на кои наидуваат, како и за можните начини за подобрување на прекуграничната соработка.