Во рамките на „Програмата за поддршка на изборите во Северна Македонија“, ИФЕС организира тркалезна маса насловена „Политичкото учество на жените на парламентарните избори одржани во 2024 година“, која ќе се одржи на 16 септември 2024 година, со почеток од 12 часот, во хотелот Холидај Ин во Скопје. Програмата за поддршка на изборите е финансирана од Владата на Швајцарија, а имплементирана од Меѓународната фондација за изборни системи (ИФЕС).

За време на тркалезната маса, меѓународната консултантка за родови прашања, Флоренс Гану, ќе изврши презентацијата на Извештајот за учеството на жените од етничките заедници на парламентарните избори одржани во 2024 година. Целта на Извештајот е да се направи проценка на степенот и влијанието на учеството на жените од етничките заедници на парламентарните избори во 2024 година. Исто така, Анализата предлага мерки и иницијативи за поголема вклученост на жените од различно етничко потекло ефективно во изборниот процес и политичкиот ангажман.

Вториот дел од настанот ќе биде искористен за презентација на Анализата на опфатот на родовите прашања во програмите на кандидатите за Претседател и изборните програми на политичките партии и коалиции за парламентарните избори, подготвена во рамките на Програмата за поддршка на изборите.