Целта на оваа иновативна иницијатива е да ги информира младите луѓе за владината мерка која вели дека органите на државната управа и општините се должни да назначат младински службеник од редот на вработените, а исто така да информира за обврските и улогата на младинските службеници и како да се искористи можноста која се укажува со назначувањето на претставник на младите во органите на државната управа. Како дел од иницијативата, ќе се користат различни алатки и методи со цел да се информира и мобилизира заедницата, како што се: кратко истражување, информативно видео, инфо-пикник и промотивни активности на летни фестивали, кампови, итн.

Оваа иновативна иницијатива има за цел да ја мобилизира локалната заедница и да информира за важноста на процесот на додавање / отстранување на културните споменици во Охрид и Струга. Иницијативата вклучува дизајн на постери со препораките на УНЕСКО кои ќе бидат поставени на различни локации во двете општини; организација на јавна дискусија; како и таканаречениот Мал Монмартр во Охрид и Струга каде средношколци ќе цртаат креативни мотиви инспирирани од природните и културните убавини на крајезерските градови.

Оваа иницијатива ќе го решава тековното прашање поврзано со недостаток на младинска стратегија како и недоволна вклученост на младите луѓе во креирање на јавни политики во Општина Охрид. Со цел да се специфицираат прашањата, проблемите и предизвиците со кои се соочуваат младите луѓе во Охрид, ќе се спроведе квантитативен метод на истражување во форма на телефонска анкета. По истражувањето, ќе бидат организирани полу-структурирани интервјуа со различни засегнати страни, младински и граѓански организации, претставници од општината и ќе се организира работилница за да им се обезбеди на младите простор за креирање на Предлог за стратегија за млади. Предлогот, придружуван со Документот за јавни политики, ќе биде споделен со јавноста и презентиран и доставен до партијата за да стане дел од програмата и кампањата за локалните избори.

Оваа иницијатива претставува одговор на постојниот проблем со недостаток на јавен простор за градење на интелектуални капацитети, центар за кариера и библиотека во Општина Охрид. Со оглед на тоа дека се работи за универзитетски и академски град и сето ова е предвидено во законската рамка на градот, Охрид ќе има корист од оваа иницијатива која се стреми кон социјална инклузија на младите луѓе. Квантитативните и квалитативните истражувачки методи ќе бидат имплементирани, како и видео интервјуа со за млади луѓе од 19 до 29 годишна возраст. Ќе се креираат заклучоци од Политиките како и 3-Д дизајн на предложениот центар како резултат на собраните и анализираните податоци од истражувањето. Наодите ќе бидат споделени со јавноста и со партијата и истите ќе бидат вклучени во програмата за претстојните локални избори.

Оваа 2И ќе помогне во идентификување на приоритетите и проблемите со кои се соочуваат младите во Охрид. Наодите ќе бидат искористени за подготовка на младинската програма на партијата за локалните избори. Клучните активности вклучуваат:: дискусии и работилници во кои ќе бидат вклучени повеќе од 60 млади луѓе, истражување, подготовка на документ со наодите и можни предлози за подобрување на животот на младите, кои се планира да бидат вклучени во програмата за партиските локални избори во Охрид