Jemi të lumtur t’ju njoftojmë se vikendi i datës 25-26 korrik ishte shumë produktiv dhe i mbushur me aktivitete.

U takuam përsëri me mobilizatorët e komunitetit në një trajnim dy ditor të pjesës së dytë të trajnimit për video prodhim.

Gjatë këtij trajnimi ata mësuan më shumë rreth pjesës praktike se si xhirohet një video, këshillat dhe triqet që duhet t’u kushtojnë vëmendje. Pas xhirimit të videos, pjesa më e vështirë u ngjit në  skenë – montimi i pjesëve  të regjistruara. Ky proces ishte mjaft i vështirë pasi duhej të sinkronizohet gjithçka: pjesa vizuale, tingulli dhe renditja se si duhet të paraqitet videoja.

Gjithashtu, ata diskutuan rreth procesit të monitorimit dhe masave që ato ndoqën gjatë situatës së pandemisë.

Ne mezi presim të shohim se si do të duket procesi i monitorimit dhe videove në të ardhmen e afërt.