Fondacioni Ndërkombëtar për Sistemet Zgjedhore (IFES) ka kënaqësinë të njoftojë se do të organizojë një punëtori mbi Qasjen dhe Përfshirjen në Proceset Zgjedhore duke përdorur metodologjinë dhe qasjen BRIXH (BRIDGE).

BRIXH (BRIDGE) – Ndërtimi i burimeve në demokraci, qeverisje dhe zgjedhje është një program i zhvillimit profesional, i përbërë nga module, me një fokus të veçantë në proceset zgjedhore. https://www.bridge-project.org/overview/.

Punëtoria do të përqëndrohet në ngritjen e vetëdijes dhe identifikimin e mjeteve dhe qasjeve për të promovuar aksesin, përfshirjen dhe pjesëmarrjen në zgjedhjet e grupeve të ndryshme të cenueshme dhe të margjinalizuara në shoqëri, më saktësisht: të rinjtë, gratë, personat me aftësi të kufizuara, etj. Ngjarja gjithashtu synon të krijojë një platformë dhe mundësi të rrjetëzimit për shkëmbimin ndërsektorial të njohurive dhe ekspertizës midis aktorëve zgjedhorë (institucionet, administrata zgjedhore, partitë politike, shoqëria civile, media).