Në kuadër të Programit për Mbështetjen Zgjedhore të Qeverisë së Zvicrës, Fondacioni Ndërkombëtar për Sisteme Zgjedhore (IFES), në partneritet me Agjencinë për Shërbime Mediatike Audio dhe Audiovizuale, organizon një panel diskutim kushtuar reklamës politike dhe integritetit të zgjedhjeve.

Paneli synon të nxisë dialogun ndërinstitucional për sfidat që kanë të bëjnë me integritetin zgjedhor në lidhje me reklamat politike. Ai do të ofrojë një mundësi për diskutime me shumë palë mbi aspekte dhe sfida të ndryshme të mjedisit mediatik gjatë zgjedhjeve, do të mundësojë shkëmbimin e perspektivave dhe praktikave të mira ndërmjet palëve të përfshira dhe do të reflektojë mbi çështjet që kërkojnë përmirësime të mëtejshme.