IFES, në bashkëpunim me Forumin për politika të arsyeshme (FPA), po organizon gjeneratën e katërt të Akademisë për politika publike. 30 politikanë të rinj, aspirantë do të përfaqësojnë gjeneratën e re të Akademisë së re, duke filluar  me modulin e parë mbi Bazat.

Bazat është moduli hyrës që do të ndihmojë në kuptimin e nivelit dhe thellësisë së njohurive të pjesëmarrësve të APP-së në lidhje me proceset dhe institucionet kryesore shoqërore, dhe do të shërbejë si një parakusht thelbësor për trajtimin e ardhshëm të çështjeve politike dhe të politikave. Pjesëmarrësit do të njihen me thelbin e funksionimit të partive politike, demokracinë lokale, njohjen me politikat publike dhe metodologjinë për përgatitjen e programeve për zgjedhjet lokale.

Si pjesë e këtij moduli do të mbulohen aspektet themelore të sjelljes etike gjatë procesit zgjedhor (siç janë: si të përballemi me sjelljen joetike të kundërshtarëve, thelbi i dorëheqjes, korrupsioni/nepotizmi/kronizmi, qëndrueshmëria e premtimeve zgjedhore etj.).

Së bashku me sesionin hyrës për politikat publike, një sesion i veçantë do t’i kushtohet posaçërisht shkrimit të dokumenteve të politikave së bashku me përfitimet e përdorimit të IA në shkrimin e politikave. Për më tepër, gjatë modulit të parë, pjesëmarrësit do të zhvillojnë zgjidhje të mundshme për problemet lokale që ata kanë identifikuar në aplikimin e tyre për APP.