Misioni i OSBE-së në Shkup (OSBE) dhe Fondacioni Ndërkombëtar për Sisteme Zgjedhore (IFES) do të organizojnë një forum të titulluar “Organizatat civile dhe zgjedhjet” për përfaqësuesit e OSHC-ve dhe institucioneve përkatëse kombëtare. Objektivat e forumit janë:
• Inkurajimi i sektorit civil për të luajtur një rol më aktiv në zgjedhje,
• Rritja e bashkëpunimit ndërmjet aktorëve në procesin zgjedhor,
• Avokimi për një përfshirje më të madhe në zgjedhje.

Forumi do të organizohet më 26 mars 2024 në Shkup, para zgjedhjeve të vitit 2024. Përfaqësues të OSHC-ve, duke përfshirë grupet qytetare për vëzhgimin e zgjedhjeve do të ftohen së bashku me përfaqësuesit e Qeverisë, Komisionit Shtetëror të Zgjedhjeve, Agjencisë për Realizimin e të Drejtave të Komuniteteve, Agjencisë për Rini dhe Sport dhe organizata ndërkombëtare.