Më 24 korrik u mbajt një punëtori në Kumanovë në kuadër të projektit “Kush çka pengon?”, iniciativë inovative e Teodora Dimitrovska e cila eksploron faktorët që pengojnë zbatimin e Ligjit për parandalimin dhe mbrojtjen ndaj dhunës mbi gratë dhe dhunës në familje dhe është një thirrje për komunitetin lokal për të përmirësuar mekanizmat për mbrojtjen dhe riintegrimin e viktimave në shoqëri.
Në punëtori, pjesëmarrësit fillimisht u njohën me kompetencat ligjore që komuna ka në drejtim të mbrojtjes sociale që duhet të ofrojë. Për më tepër, dëgjuam shembuj nga pedagogët në lidhje me praktikat pozitive që ekzistojnë në komunat në vendet e tjera që në një mënyrë të thjeshtë por efektive lejojnë jo vetëm zvogëlimin e numrit të viktimave të dhunës në familje, por edhe riintegrimin më të shpejtë të viktimave në shoqëri. Pjesëmarrësit u përfshinë në mënyrë aktive gjatë gjithë ngjarjes, dhe përfundimi kryesor që morëm nga pjesëmarrësit ishte se ata dinë për shumë raste të dhunës në familje që viktimat ose nuk i raportojnë, ose pasi raportojnë përballen me joefikasitetin e sistemit dhe kanë frikë se megjithatë, ata nuk do të marrin mbrojtje adekuate nga autoritetet lokale përgjegjëse për sigurimin e saj.
