Punëtoria tre ditore për rrjetëzim do të mbledhë organizatat e shoqërisë civile për të shkëmbyer përvoja, për të fuqizuar bashkëpunimin dhe për të shqyrtuar qasje praktike për mobilizimin e komunitetit dhe monitorimin qytetar.

Punëtoria do të fokusohet në shndërrimin e gjetjeve të monitorimit në veprime konkrete në komunitet, mobilizimin e mbështetjes qytetare, monitorimin e shpërndarjes dhe rishpërndarjes së burimeve komunale, si dhe shqyrtimin e qasjeve për monitorimin e keqpërdorimit të burimeve administrative.

Pjesëmarrësit gjithashtu do të diskutojnë për masat e përshtatura të mbështetjes, do të ndajnë histori suksesi dhe do të identifikojnë mundësi për bashkëpunim të ardhshëm dhe angazhim të komunitetit.