За време на тркалезната маса, меѓународната консултантка за родови прашања, Флоренс Гану, ќе изврши презентацијата на Извештајот за проценката, наодите и препораките за зајакнување на политичкото учество на жените на претстојните парламентарни избори. Извештајот е подготвен со цел да обезбеди насоки и експертиза за прашања поврзани со родовата застапеност на изборите и во рамките на политичките процеси. Анализата спроведена од меѓународната консултантка беше во насока да ги истражи факторите кои го поддржуваат или го попречуваат целосното ангажирање на пратеничките во процесот на одлучување, внатрепартиски активности и ангажираност со гласачите.