Здружението на новинарите на Македонија (ЗНМ) и Меѓународната фондација за изборни систем (ИФЕС) организираат тркалезна маса посветена на Зајакнување на новинарскиот интегритет и отчетност: постизборнo медиумскo дејствување и важноста на академиите за обука на медиумски работници, која ќе се одржи на 30 октомври 2024 година со почеток во 12:00 часот во просториите на Агенцијата за аудио и аудиовизуелни медиумски услуги во Скопје.

Настанот има за цел да обезбеди платформа за истражувачките новинари да споделат искуства за следење на партиските изборни ветувања и следење на постизборните резултати, притоа признавајќи ја како клучна алатка за промовирање на одговорност и транспарентност во владеењето. Вториот дел од настанот ќе поттикне дискусија околу Академијата за обука на Здружението на новинари на Македонија како движечка сила за градење на капацитетите на медиумските работници, обезбедување интегритет и отчетност, со што ќе се зајакнат новинарските стандарди, ќе се поттикне етичкото известување и ќе се зајакне довербата на јавноста во медиумите како столб на демократското општество.