На настанот ќе бидат презентирани Посебните извештаи за финансирање на изборните кампањи за локалните избори 2025 и повторните избори 2026, подготвени од Државната комисија за спречување на корупција. Се очекува учество на претставници од институции, експерти и засегнати страни со цел дискусија за клучните наоди, идентификуваните предизвици и системските слабости во сегашната рамка.

Преку презентација и интерактивна дискусија, учесниците ќе ја истражат потребата од подобрувања во законската рамка, транспарентноста и пристапноста до податоците, како и улогата на медиумите во комуницирањето на наодите. Настанот има за цел да придонесе за зајакнување на одговорноста и интегритетот во финансирањето на изборните кампањи, а воедно и да поттикне дијалог за практични чекори за реформи.