Во рамките на Програмата за поддршка на изборите, финансирана од Владата на Швајцарија, Меѓународната фондација за изборни системи (ИФЕС), во партнерство со Агенцијата за аудио и аудиовизуелни медиумски услуги, организира панел дискусија посветена на политичкото рекламирање и интегритетот на изборите.

Панелот има за цел да поттикне меѓуинституционален дијалог за предизвиците кои се однесуваат на изборниот интегритет поврзани со политичкото рекламирање. Настанот ќе обезбеди можност за дискусија меѓу повеќе засегнати страни за различните аспекти и предизвици на медиумското опкружување за време на изборите, ќе овозможи размена на перспективи и добри практики меѓу вклучените страни и ќе се осврне на одредени области кои бараат дополнителни подобрувања.