Правото на правично учество во изборните процеси на лицата со попреченост – да бидат гласачи, кандидати, членови на изборни органи или набљудувачи – е од особено значење за обезбедување демократски изборен процес кој ги исполнува критериумите на етичност и интегритет. Овој настан е предвиден да ги вклучи засегнатите страни во истражување на можностите и опциите за постигнување поправедна застапеност на лицата со попреченост во изборните процеси, со цел да се придонесе не само кон подобри законодавни и политички решенија за лицата со попреченост, туку и кон подобро општество за сите.