Извадок од програма на Влада:"Заради надминување на постоечките проблеми утврдени во Извештајот на Набљудувачката мисија за избори на ОБСЕ/ОДИХР на Република Северна Македонија за предвремените парламентарни избори во јули 2020 година, ќе се земат предвид препораките во наведениот Извештај при изготвување на измените и дополнувањата 56 на законот. "

Извадок од програма на Влада:"Програмата на Владата 2021 - 2024 Еднакво општество за сите Веруваме во вредностите на толеранцијата, правичноста, еднаквите можности, признавање на различностите, во мултикултурализмот и интеркултурната комуникација. Веруваме во социјална правда, еднакви можности на жените и мажите, вклученост и учество на граѓаните во одлучувањето и постигнување општествена кохезија Програмата на Владата за 2021 1. Предлог - закон за изменување и дополнување на Законот за еднакви можности на жените и мажите Усогласување со новите ЕУ директиви во делот на еднаквост и недискриминација и во насока на поефикасна легислатива за родова еднкавост. Унапредување на родовата машинерија согласно препораките на Комитетот за елиминација на сите форми на дискриминација на жените. Воспоставување на правен основ за Ресурсен центар (тренинг центар) за родово одговорно буџетирање и родови политики. 2. Предлог - Национален акциски план за родова еднаквост 2021-2023 година Образложение: Воспоставување на ефективен и ефикасен систем на постигнување родова еднаквост, преку функционални механизми за поддршка на национално и локално ниво, хармонизирани индикатори за мерење на прогресот на родовата еднаквост и обезбедена родова разделена статистика."

Извадок од програма на Влада:"Ќе предложиме закон со кој ќе се формира комунална полиција на локално ниво, со која ќе можат досегашните комунални инспектори и Еко патроли заеднички да преземаат мерки за сторителите на штетните активности: одлагање на отпад на места кои не се предвидени за тоа: создавање на диви депонии од градежен и мешан комунален отпад, палење на гуми и останати високоштетни материи, палење и уништување на контејнери и сл. со мандатни казни. Комуналната полиција ќе почна да функционира во 2021."

Извадок од програма на Влада:За една година речиси ќе преполовиме број на инспекторати, а ќе го дуплираме бројот на инспектори за животна средина и пазарна инспекција.

Извадок од програма на Влада:" 1)Во првата година од мандатот, Владата ќе понуди структурна реформа на системите за управување со кризи и заштита и спасување преку реорганизација, опремување и обука на оперативните тимови за брза интервенција. Овие сегменти претставуваат фундамент во изградбата на отпорно општество од кризи и катастрофи. Тоа се покажа и во текот на кризната и вонредната состојба предизвикани од пандемијата на коронавирусот. Во првата половина од мандатот ќе го реализираме системот за повици „112“ 2)Реконструкцијата на објектот на Центарот за управување со кризи во Куманово ќе овозможи воспоставување Центар за обука. Со тоа се создавааат услови за организирано планирање и реализација на обуки, вежби и други активности со кои ќе се обезбеди зголемување на координацијата, ефикасноста и благовремената реакција на учесниците во Системот за управување со кризи (член 29 став 2 од Законот за управување со кризи). Реконструкцијата на објектот исто така ќе овозможи еден дел од истиот да се адаптира за 24/7 работа на подрачното одделение на ЦУК во Куманово, со што трајно се решава со простор за работа, како и адаптација на еден дел од објектот за потребите на Е-112 системот предвидени за предметното подрачје."