Главната цел на Хакатонот е да ги собере младите од руралните средини од различни политички партии за заеднички да се соочат со значајните еколошки и рурални предизвици во нивните општини. Водени од страна на експерти и консултанти, учесниците ќе го продлабочат своето знаење за влијанието на климатските промени и специфичните проблеми со кои се соочуваат руралните заедници како резултат на истото. Работејќи заедно, тие ќе изготват заедничка декларација, која ќе служи како платформа за обезбедување посветеност од нивните политички партии за интегрирање на заштитата на животната средина и одржливиот рурален развој во партиските програми за локалните избори во 2025 година.