Во рамките на Програмата за поддршка на изборите, финансирана од Владата на Швајцарија, Меѓународната фондација за изборни системи (ИФЕС), во партнерство со Охрид Институт за економски стратегии и меѓународни односи, ќе организира панел дискусија насловена како „Зајакнување на соработката меѓу националните чинители за проценка на изборниот ризик во Северна Македонија“.

Во пресрет на претстојните избори во Северна Македонија, сеопфатната работилница е насочена кон зајакнување на соработката меѓу националните чинители. Овој настан ќе послужи како платформа за претставници од различни владини и невладини тела да се вклучат во еден процес за проценка на изборниот ризик. Крајната цел е да се поттикне култура на дијалог и соработка, овозможувајќи да се идентификуваат и ублажат потенцијалните изборни ризици.