Тркалезната маса „Унапредување на истражувачко-аналитичката функција во политичките партии – правни и компаративни искуства“ ќе собере претставници на политичките партии, експерти и други релевантни чинители со цел да се дискутира како политичките партии во Северна Македонија можат да ги зајакнат своите истражувачки и аналитички капацитети.

Настанот ќе вклучи компаративни согледувања и искуства од Финска, како и клучни наоди од деталната студија за истражувачките и аналитичките центри (ПИAЦ) во рамките на политичките партии во Северна Македонија. Преку модерирана дискусија, учесниците ќе ги разгледаат главните можности, предизвици и потенцијалните насоки за понатамошен развој на поодржливи и поефективни политики засновани на докази и аналитички капацитети во рамките на политичките партии.