Во текот на изминатата недела, успешно одржавме серија работилници кои се дел од нашата поддршка за јакнење на истражувачко-аналитичките потенцијали на политичките партии и коалиции, во насока на подобрување на нивните капацитети за креирање политики засновани на докази. Со инвестирање во овие капацитети, политичките партии и коалиции се поттикнуваат да промовираат поотворени, одговорни и граѓански ориентирани политики и структури на локално ниво.
Преку интерактивни сесии, практични вежби и симулации, предводени од меѓународни и домашни експерти, учесниците ги надградија своите вештини за креирање на политики засновани на докази, теренска мобилизација и стратешко комуницирање.
Овие работилници се реализираа во рамките на Швајцарската Програма за поддршка на изборите, имплементирана од Меѓународната фондација за изборни системи (ИФЕС), а се насочени кон зајакнување на капацитетите на политичките партии и коалиции во пресрет на локалните избори.
